Bakı – APA. Rusiya və İran xarici işlər nazirlərinin görüşündə Xəzərin hüquqi statusu ilə bağlı müzakirələr aparılacaq.
APA – nın “RİA Novosti”yə istinadən verdiyi məlumata görə, bunu Rusiya XİN başçısı Sergey Lavrov iranlı həmkarı Məhəmməd Cavad Zəriflə görüşü zamanı deyib.
O bu görüşü Xəzər dənizində əməkdaşlıq üzrə hüquqi bazanın möhkəmləndirilməsinə yönələcək sənədlərin hazırlanması üçün yaxşı fürsət kimi qiymətləndirib.
“Bugünkü danışıqlarda biz Rusiya ilə İranı maraqlandıran regional məsələləri müzakirə etmək niyyətindəyik”, - deyə o vurğulayıb.
Lavrov-Zərif görüşündə Suriya probleminin, habelə Yaxın Şərq, Şimali Afrika və Əfqanıstandakı böhranların müzakirə ediləcəyi gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
