Bakı – APA. Türkiyənin Hatay vilayətində baş verən sel fəlakəti nəticəsində 4 nəfər ölüb. APA-nın “Doğan” xəbər agentliyinə istinadən verdiyi məlumata görə, Hatayın Dördyol rayonu ərazisində aramsız yağan yağışlar iyulun 19-na keçən gecə daşqına səbəb olub. Çökək yaylası adlanan yerdə bir evin çökməsi nəticəsində bir ailənin 4 üzvü ölüb, 9 nəfər xəsarət alıb. Bölgəyə axtarış-xilasetmə qrupu göndərib. Axtarış-xilasetmə tədbirlərində silahlı qüvvələrə məxsus helikopterlər də iştirak edir.