Bu ilin avqust ayında Avropa İttifaqında təbii qaz istehlakı illik müqayisədə 5,2% artaraq 16,6 mlrd. kubmetr olub.
Bu barədə “APA-Economics” Qaz İxrac edən Ölkələr Forumunun (Gas Exporting Countries Forum - GECF) hesabatına istinadən xəbər verir.
Hesabata görə, tələbatın artımı əsasən elektrik enerjisi istehsalı sektorunda qaz tələbatının daha yüksək olması ilə dəstəklənib. Belə ki, Avropanın böyük hissəsində havanın qeyri-adi dərəcədə isti keçməsi soyutma üçün elektrik enerjisi istehlakının artmasına səbəb olub. Avropa İttifaqında orta temperatur 20,26°C təşkil edib ki, bu da 2025-ci ilin avqust ayındakı göstəricidən təxminən 0,8°C yüksəkdir. Bununla yanaşı, Qərbi, Mərkəzi və Cənubi Avropanın bir sıra ərazilərində istilik dalğası şəraiti müşahidə olunub.
Xatırladaq ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
