Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya deyib ki, Kür çayının Qıraqkəsəmən məntəqəsində suyun səviyyəsində azalma davam etməkdədir. Onun sözlərinə görə, bu gün suyun səviyyəsində 5 sm azalma müşahidə edilib.
Qanıq çayında suyun səviyyəsinin 3 sm azaldığını deyən A.Verdiyev qeyd edib ki, bu da son günlər havanın yağmursuz keçməsi ilə əlaqədardır. O əlavə edib ki, qonşu Gürcüstan ərazisində də hava şəraitinin yağmursuz keçməsi ilə əlaqədar Kür və Qanıq çayının həmin ərazidə olan hissələrində də azalma müşahidə edilməkdədir: “Ümumilikdə isə hazırda respublikanın daxili çaylarında ümumi səviyyələrdə elə bir dəyişiklik müşahidə olunmur. Ümumi səviyyə sabitdir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
