Bakı. Mübariz Aslanov-APA. Bu gün Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN) sədri İnam Kərimov ASAN xidmətinin Sumqayıtda yeni açılan mərkəzində mətbuat konfransı keçirib. APA-nın məlumatına görə, İ.Kərimov bildirib ki, Sumqayıtdakı mərkəz mayın 15-dən fəaliyyətə başlayacaq.
Onun sözlərinə görə, mərkəz Sumqayıt sakinləri ilə yanaşı Abşeron, Siyəzən, Şabran və Xızı rayonlarının sakinlərinə də xidmət göstərəcək: «Burada fərqli olaraq mərkəzləşdirilmiş növbə sistemi təkmilləşdirilib. Əlil vətəndaşlar üçün ilk dəfə analoqu olmayan liftlər quraşdırIlıb. Digər yenilik isə ondan ibarətdir ki, burada vətəndaşlar ərizələri əllə kağız üzərində deyil, elektron formada doldura biləcəklər».
O həmçinin qeyd edib ki, Bakıda pilot layihə çərçivəsində açılmış 1 saylı ASAN Mərkəzində artıq 70 mindən artıq vətəndaşa xidmət göstərilib. Vətəndaşlar ASAN Xidmət mərkəzlərində 9 dövlət qurumunun 25 növ xidmətindən, həmçinin 22 növ funksional xidmətdən istifadə edə bilirlər. İ.Kərimov həmçinin bildirib ki, ASAN Xidmət mərkəzlərində çalışan əməkdaşlar üçün xüsusi xidmət treninqləri, o cümlədən «Etik davranış» və «Stressin idarə edilməsi» üzrə kurslar təşkil edilir.
ASAN Xidmətinin Sumqayıt Mərkəzi mayın 15-dən fəaliyyətə başlayacaq
04 may 2013 10:37 (UTC +04:00)
İnfrastruktur
Bakcell Fəvvarələr Meydanında yeni innovativ mağazasını təqdim edib
17:19
3 may 2024
Tıxaclara əlvida! Nərimanovda yeni yol və tunel çəkilir! Bu kompleksin sakinləri üçün şad xəbər! - VİDEO
15:52
3 may 2024
Kəlbəcərdə velosiped yolları salınacaq
11:54
3 may 2024
Kəlbəcər şəhərinin əhalisi 2040-cı ilə qədər 17 min nəfərə çatacaq
11:52
3 may 2024