Qəbələ. Elvin Yaqubov-APA. Qəbələ rayon Məşğulluq Mərkəzinin təşkilatçılığı ilə işsiz vətəndaşların məşğulluğunun təmin edilməsi məqsədilə növbəti əmək yarmarkası keçirilib.
APA-nın yerli bürosunun xəbərinə görə, əmək yarmarkasında iştirak edən vətəndaşlara 36-sı dövlət, 9-u özəl olmaqla 45 idarə, müəssisə və təşkilat tərəfindən 334 boş iş yeri təqdim olunub.
Boş iş yerlərinin 218-i qulluqçu, 116-sı fəhləliklə bağlı olub. Boş iş yerlərinə görə, vətəndaşlara 109-820 manat məbləğində əmək haqqı təklif olunub.
Yarmarkada iştirak edən 481 nəfər iş axtaran və işsiz vətəndaşdan 99-u öz istəyinə və ixtisasına uyğun olaraq işə göndəriş alıb, bir nəfər kvota yerinə işə cəlb olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
