Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində qətldə təqsirləndirilən Nurəddin Məmmədovun cinayət işi üzrə məhkəmənin hazırlıq iclası keçirilib.
APA-nın məlumatına görə, prosesdə təqsirləndirilən şəxsin anket məlumatı dəqiqləşdirilib, prosesin baxış iclası isə dekabrın 26-na təyin edilib.
Qeyd edək ki, bu il mayın 25-də Səngəçal qəsəbəsində yerləşən daş karxanasında Nurəddin Məmmədov orada fəhlə işləyən Cəlilabad rayon sakinləri Qabil Həsənova və Fəryaz Məmmədova bıçaqla xəsarət yetirib.
F. Məmmədov aldığı xəsarətlərdən mayın 26-da xəstəxanada dünyasını dəyişib. Qaradağ Rayon Polis İdarəsinin 11-ci Polis Bölməsinin əməkdaşlarının keçirdikləri əməliyyat tədbirləri nəticəsində, cinayətdə şübhəli bilinən Tovuz rayon sakini Nurəddin Məmmədov tutulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
