Bakı. Yeganə Laçınzadə - APA-Economics. Azərbaycan Mərkəzi Bankı (AMB) manatın bu günə olan rəsmi məzənnəsini açıqlayıb.
AMB-dən "APA-Economics"ə verilən məlumata görə, ABŞ-ın milli valyutası olan dollar manata qarşı 0,2% möhkəmlənərək 1,50 manat təşkil edib.
Avro da manata qarşı möhkəmlənib. Avrozonanın vahid valyutası manata nisbətən 0,34% bahalaşaraq 1,7063 manata çatıb.
Azərbaycanın əsas ticarət tərəfdaşlarından biri olan Rusiyanın milli valyutası rubl manata nisbətən 0,45% möhkəmlənərək 0,0229 manat olub.
Türkiyə lirəsi isə manata nisbətən güclənib. Belə ki, qardaş ölkənin milli valyutası 0,19% güclənərək 0,5175 manata çatıb.
Rəsmi məzənnəyə əsasən, 1 ingilis funt sterlinqi 2,1822 manatdır. Beləliklə, ötən günlə müqayisədə funt sterlinq manata qarşı 1,1%-lik artım nümayiş etdirib.
Gürcüstan larisi isə 1% bahalaşaraq 0,7037 manata çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
