Bakı. Aqşin Rafiqoğlu – APA-Economics. Bu gün Azərbaycan Dövlət Neft Şirkətinin (ARDNŞ) Təlim, Tədris və Sertifikatlaşdırma İdarəsinin Qobustan Regional Təlim Mərkəzində «Sənayedə qaynaq istehsalı üzrə yeni texnologiyalar və materiallar» mövzusunda seminar keçirilib.
«APA-Economics»in məlumatına görə, beynəlxalq tədbirdə Azərbaycan, Türkiyə, Almaniya, İngiltərə və Rusiya mütəxəssisləri iştirak ediblər.
ARDNŞ-in kadr, rejim və informasiya texnologiyaları üzrə vitse-prezidenti Xalik Məmmədov enerji sahəsində əldə olunan nailiyyətlər barədə danışıb. O bildirib ki, hazırda ARDNŞ-in struktur bölmələrində 2 mindən artıq qaynaqçı çalışır: «Onların əksəriyyəti peşə bacarıqlarına uyğun olaraq sertifikatlaşdırılıb. Sualtı qaynaq texnologiyasının inkişafı, sualtı qaynaq əməliyyatlarını həyata keçirən dalğıcların hazırlanması məqsədi ilə beynəlxalq şirkətlərlə sıx əməkdaşlıq edilir».
O qeyd edib ki, bu sahədə yenilikərin tətbiqi istiqamətində qabaqcıl qurumların təcrübəsi öyrənilir: «Bu seminar qaynaq sahəsində innovativ yeniliklərin geniş yayılmasına əlavə stimul verəcək. Bu, gələcək nailiyyətlərin əsasını qoyacaq».
X.Məmmədov vurğulayıb ki, «Şahdəniz-2» layihəsi çərçivəsində 14-15 min yeni iş yeri açılacaq ki, bunun da 4-5 min nəfəri qaynaq işlərinə cəlb olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
