Bakı-APA. ABŞ-ın İndiana ştatında buzlu yolda 30-dək avtomobil toqquşub, 3 nəfər ölüb, 20 nəfər yaralanıb. APA-nın “RİA Novosti”yə istinadən verdiyi xəbərə görə, bu barədə yerli WLS-TV telekanalı məlumat yayıb.
Məlumata görə, insident Miçiqan-Siti şəhərinin ətrafında baş verib. Polisin məlumatına görə, qəzaya 15-dək treyler-qoşqu və 15 minik avtomobili uğrayıb.
Hadisə yerində xilasetmə işləri davam edir, deformasiyaya uğramış avtomaşınlarda hələ də bir neçə nəfərin qaldığı bildirilir.