Bakı. Könül Kamilqızı - APA. Tələbə Qəbulu üzrə Dövlət Komissiyasının (TQDK) virtual ödəmə kartlarını abituriyentlər SMS-lə də əldə edə bilər.
TQDK-nın mətbuat xidmətindən APA-ya verilən xəbərə görə, elektron ərizə vermək üçün nəzərdə tutulmuş virtual ödəmə kartlarını SMS-lə əldə etmək istəyən şəxslər bütün mobil operatorlardan 7725 nömrəsinə SMS göndərməlidirlər.
Sınaq imtahanına yazılmaq üçün nəzərdə tutulmuş virtual ödəmə kartlarını SMS-lə əldə etmək istəyən şəxslər bütün mobil operatorlardan 7735 nömrəsinə SMS göndərməlidirlər. TQDK virtual ödəmə kartlarında göstərilən məlumatları itirməməyi və məxfi saxlamağı tövsiyə edir.
Ödəmə kartı əldə etmiş, lakin iş nömrəsi və şifri unutmuş şəxslər unutduqları məlumatları təkrar olaraq əldə edə bilərlər. “Elektron ərizə vermək üçün odəmə kartı”nın məlumatları barədə mesaj almaq üçün ödəmə kartını alarkən istifadə edilən telefon nömrəsindən 7745 nömrəsinə qısa mesajla 2 rəqəmini göndərmək lazımdır.
“Sınaq imtahanına yazılmaq üçün ödəmə kartı”nın məlumatları barədə mesaj almaq üçün isə ödəmə kartını alarkən istifadə edilən telefon nömrəsindən 7745 nömrəsinə qısa mesajla 3 rəqəmini göndərmək lazımdır.
Nəticədə abunəçinin nömrəsinə həmin nömrədən əldə edilmiş son üç virtual ödəmə kartı barədə məlumat göndərilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
