Bakı. Könül Kamilqızı – APA. Təhsil Nazirliyi tərəfində “Müasir Azərbaycan peşəkarları” layihəsi çərçivəsində 5 yeni ixtisas üzrə peşəkar kadrların hazırlanmasını həyata keçirir.
Təhsil Nazirliyindən APA-ya verilən xəbərə görə, layihələrin icrası məqsədilə Belarus Hökuməti, “Knauf”, “Bosch” şirkətləri, “Eldar studio”, Yaponiyanın Azərbaycandakı səfirliyi ilə tərəfdaşlıq edir.
“Müasir Azərbaycan peşəkarları” layihəsi ölkədə “Quru inşaat ustası”, “Elektrik-qaz qaynaqçısı”, “Bərbər”, “Dülgər, xarrat-parket ustası”, “Turizm və xidmət sahəsi” istiqamətində peşəkar kadrların hazırlanmasına xidmət edir.
Layihə çərçivəsində artıq 5 layihədən ikisi - 18 nömrəli Bakı Peşə Liseyində “Dülgər, xarrat-parket ustası” ixtisası və “Bərbər” ixtisası üzrə yeni sinfin açılması həyata keçirilib. Yaxın gələcəkdə digər 3 istiqamət - layihə çərçivəsində 4 nömrəli Bakı Peşə Liseyində “Elektrik-qaz qaynaqçısı” ixtisası üzrə Resurs Mərkəz açılması, 1 nömrəli Şəki Peşə Məktəbində “Turizm və xidmət sahəsi” ixtisası üzrə qəbul elan olunması və 14 nömrəli Bakı Peşə Məktəbində “Quru inşaat ustası” ixtisası üzrə yeni sinfin açılması nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
