Bakı-APA. Rusiyanın Polşadakı səfirliyi önündə baş verənlərə rəsmi Varşavadan reaksiya gəlib. APA-nın “RİA Novosti”yə istinadən verdiyi məlumata görə, Polşa Xarici İşlər Nazirliyinin rəsmi nümayəndəsi Marçin Voyçexovski milliyyətçi təşkilatlar tərəfindən təşkil olunan “Müstəqillik marşı” zamanı səfirlik binası önündə baş vermiş iğtişaşları pisləyib.
Qeyd edək ki, noyabrın 11-də Varşavada Polşanın müstəqillik gününə həsr olunmuş yürüşün iştirakçıları Rusiya səfirliyi önündəki polis postunu və yaxınlıqdakı zibil konteynerini yandırıb. Sonra səfirliyin binasına tərəf daş, şüşə qabları, fayer və petardalar atılıb.
Bir neçə nəfər binanın qapılarını sındırmağa cəhd edib. Səfirliyin hasarına “Kommunisləri rədd edin” və “Quldurların Qızıl ordusu” sözləri yazılmış şüarlar yapışdırılıb.