Balakən. Vüqar Heydərov-APA. Balakəndə motosikletlərin toqquşması nəticəsində iki nəfər ağır xəsarət alıb.
APA-nın Şəki-Zaqatala bürosunun məlumatına görə, iyunun 16-ı axşam saat 20:30 radələrində rayonun Qaysa kənd yolunda, Qaysa kənd sakinləri 1951-ci il təvəllüdlü Ömər Hacı oğlu Cırınqovun idarə etdiyi “Dnepr” markalı, dövlət qeydiyyat nişanı olmayan yük motosikleti ilə 1975-ci il təvəllüdlü Əli Kamil oğlu Ramazanovun idarə etdiyi eyni markalı, dövlət qeydiyyat nişanı olmayan yük motosikleti qarşı-qarşıya toqquşub.
Qəza nəticəsində Ömər Cırınqov və Əli Ramazanov aldıqları müxtəlif dərəcəli bədən xəsarətləri ilə Balakən Rayon Mərkəzi Xəstəxanasına (RMX) aparılıblar. Balakən RMX-dan APA-ya bildirilib ki, xəstəxananın cərrahiyə şöbəsinə yerləşdirilən hər iki yaralıya qapalı kəllə-beyin travması, beyin əziyi və sol ayağın baldırın sınığı diaqnozu qoyulub, vəziyyətləri orta-ağır qiymətləndirilir.
Faktla bağlı Balakən rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
