Bakı. Faiq Mahmudov - APA. Pakistanın cənubunda davam edən anomal isti hava nəticəsində ölənlərin sayı 35-i uşaq olmaqla, 750 nəfəri keçib.
APA-nın “Sinhua” agentliyinə istinadən verdiyi xəbərə görə, minlərlə insan günvurma diaqnozu ilə xəstəxanalara yerləşdirilib.
Səhiyyə işçilərinin sözlərinə görə, xəstəxanaya gətirilənlərin əksəriyyəti huşsuz halda olub.
Ölənlərin əksəriyyətinin 50 yaşdan yuxarı olduğu bildirilir.