Bakı-APA. Bu gün Keniyada 147 tələbənin qətlə yetirilməsi ilə əlaqədar üçgünlük matəm başlanır.
APA-nın BBC-yə istinadən verdiyi xəbərə görə, paytaxt Nayrobinin morqunda hələ ki 54 cəsəd qohumları tərəfindən tanınıb.
Aprelin 2-də Somali ilə həmsərhəd Qariss şəhərində “Əş Şabab” terror qruplaşmasının silahlıları universitet yataqxanasına hücum etmişdilər. Nəticədə 147 tələbə qətlə yetirilmiş, 79-u yaralanmışdı. Hadisə ilə əlaqədar 5 nəfərin saxlanıldığı bildirilir.