Bakı. Ramiz Mikayıloğlu-APA. Ali Məhkəmə Aparatı rəhbərinin, müavinlərin, şöbə və sektor müdirlərinin statusu dəyişib.
APA-nın məlumatına görə, bu, Azərbaycan prezidenti İlham Əliyevin bu gün imzaladığı “İnzibati və yardımçı vəzifələrin Təsnifat Toplusu”nda dəyişikliklər edilməsi haqqında fərmanında əksini tapıb.
Dəyişikliyə əsasən Ali Məhkəmənin Aparatının rəhbəri inzibati vəzifələrin birinci təsnifatından çıxarılaraq inzibati vəzifələrin ali təsnifatına daxil edilib. Ali Məhkəmə Aparatı rəhbərinin müavinləri və şöbə müdirləri isə inzibati vəzifələrin birinci təsnifatına daxil edilib. Ali Məhkəmə sədrinin müşavirləri, köməkçiləri də inzibati vəzifələrin birinci təsnifatına, Ali Məhkəmənin Aparatında müdirinin müavini, Ali Məhkəmədə işlər müdiri və onların müavinləri inzibati vəzifələrin ikinci təsnifatına daxil edilib. Ali Məhkəmənin sektor müdiri, baş məsləhətçi, böyük məsləhətçi, aparıcı məsləhətçi, məsləhətçi, məhkəmə iclasının katibi, hakimin köməkçisi isə bundan sonra inzibati vəzifələrin ikinci təsnifatına daxil olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
