Bakı. Rəşad Süleymanov - APA. Azərbaycanda dənizdə batmış şəxsin cəsədi çıxarılıb. APA-nın Fövqəladə Hallar Nazirliyinin (FHN) saytına istinadən verdiyi məlumata görə, bu gün saat 17:20-də Bakı şəhəri, Sabunçu rayonunda dənizdə (nəzarət olunmayan ərazidə) batmış 1 nəfərin cəsədi Fövqəladə Hallar Nazirliyinin “Bilgəh” sularda xilasetmə məntəqəsinin dalğıc-xilasedicilər tərəfindən tapılıb. Sudan çıxarılmış cəsəd aidiyyəti üzrə təhvil verilib.