Bakı. Yeganə Laçınzadə - APA-Economics. Paytaxtın Səbail rayonunda yerləşən Nizami küçəsində təmir işləri davam etdirilir.
Nəqliyyat Nazirliyi “Azəryolservis” ASC-nin mətbuat katibliyindən “APA-Economics”ə verilən məlumata görə, artıq sözügedən küçənin Fikrət Əmirov küçəsi ilə kəsişməsindən Azadlıq prospekti ilə kəsişməsinədək olan hissəsində işlər başa çatdırılıb. Həmin ərazidə beton səki daşları mərmər səki daşları ilə əvəzlənib, asfalt-beton örtüyünün döşənməsi yekunlaşıb.
Qeyd edək ki, martın 4-dən etibarən həmin küçənin Azadlıq prospekti ilə kəsişməsindən Rəşid Behbudov küçəsi ilə kəsişməsinədək olan hissəsində işlər aparılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
