Bakı. Aqşin Rafiqoğlu - APA-Economics. “Şimal-2” elektrik stansiyası 2015-ci ilin iyun ayına qədər istifadəyə veriləcək.
“APA-Economics”in məlumatına görə, bunu bu gün energetiklərin peşə bayramı ilə bağlı keçirilən tədbirdə “Azərenerji”nin prezidenti Etibar Pirverdiyev bildirib.
Onun sözlərinə görə, son 11 il ərzində Azərbaycanın müxtəlif regionlarında ümumi gücü 2 000 MVt-dən artıq olan çoxlu sayda yeni elektrik stansiyası istismara verilib. O bildirib ki, bu müddət ərzində 10 min kilometrdən artıq elektrik verilişi xətləri, 1 500-dən çox yarımstansiya inşa edilib və yenidən qurulub.
O qeyd edib ki, 2014-15-ci illərdə enerji sistemində əlavə 600 meqavata yaxın güc əldə ediləcək: “2014-16-cı illərdə isə Bakı şəhəri və ətraf qəsəbələrdə sosial-iqtisadi inkişafına dair Dövlət Proqramının həyata keçirilməsi ilə bağlı ümumi uzunluğu 80 km-dək olan 110 KV-lıq elektrik verilişi xətlərinin yenidən qurulması üzrə işlər müəyyən edilmiş qrafik üzrə davam etdirilir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
