Bakı – APA. Azərbaycanın Moldovadakı səfiri Namiq Əliyev bu ölkənin baş naziri Kirill Qaburiçlə görüşüb.
Səfirlikdən APA-ya verilən məlumata görə, K. Qaburiç ölkəsinin Azərbaycanla əməkdaşlığın inkişafında maraqlı olduğunu, ikitərəfli əlaqələrin strateji əhəmiyyət kəsb etdiyini vurğulayıb.
Səfir N. Əliyev isə ölkəmizin Moldova ilə əlaqələrin genişləndirilməsində maraqlı olduğunu bildirib. Diplomat Moldova baş nazirini Qarabağ nizamlanması prosesi haqqında məlumatlandırıb, habelə separatçılığa qarşı mübarizədə əməkdaşlığının vacibliyini önə çəkib.
Qeyd edək ki, K. Qaburiç bir müddət “Azərcell” şirkətinin prezidenti vəzifəsində çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
