Bakı. Aynur Əliyeva - APA-Economics. Naxçıvan Dövlət Statistika Komitəsi bu ilin 11 ayı ərzində informasiya və rabitə sektorunda göstərilən xidmətlərin həcmini açıqlayıb.
Rabitə və Yüksək Texnologiyalar Nazirliyinin mətbuat xidmətindən “APA-Economics”ə verilən məlumata görə, bu ilin yanvar-noyabr ayları ərzində Naxçıvan Muxtar Respublikasında informasiya və rabitə xidmətlərinin həcmi 43 mln. 655 min manat olub. Bu da 2013-cü ilin müvafiq dövrü ilə müqayisədə 2,5% çoxdur.
Bu müddət ərzində mobil rabitə xidmətlərinin həcmi 36 mln. 867 min manat olmaqla, bir il öncəki göstəricini 1,1% üstələyib.