Bakı-APA. Türkiyə yeni havadan müdafiə sistemini Suriya ilə sərhəddə yerləşdirmək və sınaqdan keçirmək niyyətindədir.
APA-nın “RİA Novosti”yə istinadən verdiyi xəbərə görə, bu barədə ABŞ-ın “Defense News” nəşrinə Türkiyənin təhlükəsizlik xidmətindəki mənbə bildirib.
Portalın məlumatına görə, Türkiyə hökuməti sərhəddə “Serhat” minalara qarşı radar sistemi, HIMARS əməliyyat-taktiki təyinatlı artilleriya-raket sistemi yerləşdirmək planlaşdırır. Bundan əlavə sərhədin 70 km-lik hissəsini xüsusi mini-dirijabllar patrul edəcəklər.
Məlumata görə, havadan müdafiə sistemi Kilis əyalətində, “Elbeyli” sərhəd-buraxılış məntəqəsinin yaxınlığında quraşdırılacaq. Yeni havadan müdafiə sisteminin bu bölgədə yerləşdirilməsi həmçinin Qaziantep, Hatay, Şanlıurfa və Mardin əyalətlərinin təhlükəsizliyinin möhkəmləndirilməsinə kömək edəcək.
Qeyd edək ki, Suriya-Türkiyə sərhədinin uzunluğu təxminən 900 km təşkil edir. Sərhədin Kilis istiqamətindəki hissəsi Suriya tərəfindən İŞİD qruplaşmasının nəzarətindədir. İŞİD terrorçuları mütəmadi olaraq Kilis şəhərinə raket zərbələri endirirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
