Bakı. Musa Əhmədov – APA-Economics. “Ölkəmizi tanıyaq” maarifləndirici tur-aksiyası çərçivəsində bir qrup məktəbli Qala qəsəbəsinə gəlib, qədim qəsəbənin tarixi, mədəni abidələri ilə tanış olub.
“Təmiz Şəhər” ASC-nin mətbuat xidmətindən “APA-Economics”ə verilən məlumata görə, məktəblilər həmçinin, Heydər Əliyev Fondunun təşəbbüsü və dəstəyi ilə Qalada təşkil olunmuş müasir “Tullantıdan Sənətə” muzeyini də ziyarət edib.
Muzeydə gənclər xarici və yerli sənətkarların tullantı materiallarından istifadə edərək hazırladıqları sənət əsərləri ilə tanış olublar. Buradakı eksponatlar lazımsız hesab olunan əşyaların, materialların düzgün istifadə edildikdə, hətta incəsənət nümunəsinə çevrilə biləcəyinin bariz göstəricisidir. “Tullantıdan Sənətə” muzeyini, buradakı əsərləri maraqla izləyən məktəblilər gələcəkdə layihədə iştirak etmək istədiklərini bildiriblər.
Qeyd edək ki, “Ölkəmizi tanıyaq” layihəsi 2014-cü ildə prezident İlham Əliyevin tapşırığına əsasən həyata keçirilir və məqsəd şagirdlərin Azərbaycan barədə ətraflı məlumat əldə etmələridir. Maarifləndirici tur-aksiya 67 rayon və şəhərdən olan 14 minə yaxın məktəblini əhatə edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
