Tehran. Süleyman Fərzəliyev - APA. Rusiyanın enerji naziri Aleksandr Novak İrana səfər edib.
APA-nın İran bürosunun məlumatına görə, nümayəndə heyətində ticarət, sənaye və neft-qaz sahəsində çalışan şirkətlərin təmsilçiləri var. Səfər zamanı A. Novak İranın neft naziri Bijən Namdar Zənganə ilə görüşəcək. Görüş OPEK-ə üzv olan və olmayan enerji ixracatçısı ölkələrin martın 20-də keçiriləcək iclası öncəsi baş tutur. Bu baxımdan İranla əldə olunacaq razılıqlar diqqət mərkəzindədir.
İran və Rusiya nümayəndələrinin neftin qiymətinin artırılması ilə bağlı məsələləri müzakirə edəcəkləri gözlənilir.
Tehranda İranın neft naziri ilə Rusiyanın enerji naziri arasında görüş keçiriləcək
14 mart 2016 08:04 (UTC +04:00)