Bakı. Yeganə Laçınzadə - APA-Economics. “Energocredit” layihəsi çərçivəsində müştərilər tərəfindən “Energocredit”lə alınmış məhsulların dəyərinin 10%-i onlara nağd şəklində geri ödənilir.
“DəmirBank”dan “APA-Economics” verilən xəbərə görə, müştərilərə mütəxəssislərin pulsuz texniki dəstəyindən yararlanmaq imkanı da verilir.
“Avropa Yenidənqurma və İnkişaf Bankı” (AYİB) tərəfindən tətbiq edilən “Energocredit” layihəsinin məqsədi daha səmərəli texniki avadanlıq, materiallar və məişət avadanlıqları əldə etməklə, yerli sahibkarlara və fiziki şəxslərə enerjiyə ödədikləri vəsaitə qənaət etmələrinə yardımçı olmaqdır.
Qeyd edək ki, “DəmirBank” “Energocredit” layihəsinə ötən ilin sentyabr ayından qoşulub. AYİB layihəni gerçəkləşdirmək üçün “DəmirBank”a 5 mln. dollar ayırıb.
Ölkənin ilk kommersiya banklarından biri olan “DəmirBank” 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan “Avropa Yenidənqurma və İnkişaf Bankı” və “Hollandiya İnkişaf Maliyyə Şirkəti” (FMO) daxildir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
