Bakı – APA. Özbəkistan hökumətinin sədri Şövkət Mirzioyevin prezidentliyə namizədliyi irəli sürülüb.
APA-nın xəbərinə görə, bu barədə Özbəkistan Mərkəzi Seçki Komissiyasının “Facebook” səhifəsində yer alan məlumatda bildirilir.
Qeyd olunur ki, Ş. Mirzioyevin namizədliyi Özbəkistan Liberal-Demokrat Partiyasının Siyasi Şurasının iclasında dəstəklənib. Ş. Mirzioyev hazırda prezidentin səlahiyyətlərini icra edir.
Xatırladaq ki, Özbəkistanda prezident seçkiləri dekabrın 4-də keçiriləcək.