Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Şəmsəddin Nəcəfovun cinayət işi üzrə məhkəmə prosesi başa çatıb.
APA-nın xəbərinə görə, hakim Cavid Hüseynovun sədrliyi ilə keçirilən prosesdə hökm oxunub.
Hökmə əsasən, Ş. Nəcəfov barəsində bəraət hökmü çıxarılıb.
Məhkəmə onun əməlində cinayət tərkibi olmadığını və yol-hərəkəti qaydasını pozmadığını müəyyən edib.
Qeyd edək ki, hadisə 2016-cı ilin iyunun 26-da saat 21 radələrində Sumqayıt şəhərinin Sülh küçəsində Ramil Tahirovun idarə etdiyi “Hyundai” markalı və şəhər sakini Şəmsəddin Nəcəfovun 3 saylı xətt üzrə idarə etdiyi “İsuzu” markalı avtomobillər toqquşub. Nəticədə R.Tahirov və sərnişinlərindən Əzizə Əzimova hadisə yerində ölüb, digər 2 sərnişin isə xəstəxanaya yerləşdirilib.
Polis əməkdaşı olan Ramin Tahirov Sumqayıt şəhər Dövlət Yol Polisi Şöbəsində çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
