Bakı - APA-Economics. Neftin qiymətlərinin stabilləşməsinə baxmayaraq, "Chevron" korporasiyası xarici aktivlərini satmağa davam edir.
"APA-Economics" "Reuters" agentliyinə istinadən xəbər verir ki, korporasiya Banqladeşdəki aktivlərinin satışı ilə bağlı kommersiya danışıqları apardığını təsdiqləyib.
Şirkətin açıqlamasında deyilir ki, ölkə daxilindəki (ABŞ-da) aktivlərin satışından söz gedə bilməz: "Düzdür, şirkətin ölkədaxili aktivləri ilə bağlı rəqabətli təklif gələrsə, biz bunu dəyərləndirə bilərik".
O da bildirilir ki, şirkət 2017-ci ildə ümumi dəyəri $10 mlrd. olan aktivlərini satmağı planlaşdırır".
Bu arada "Bloomberg" öz mənbələrinə istinadən xəbər verir ki, şirkət Banqladeşdəki aktivlərini $2 mlrd. satmağa hazırdır. Mənbə deyir ki, aktivlərin alışına Hindistan və Çindən olan investorlar maraq göstərir.
Qeyd edək ki, "Chevron" "Azəri-Çıraq-Günəşli" layihəsində 11,3%, Bakı-Tbilisi-Ceyhan layihəsində isə 8,9%-lik paya malikdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
