“Xroniki böyrək çatışmazlığından əziyyət çəkən xəstələr daha çox cənub və qərb regionlarındandır”.
APA-nın xəbərinə görə, bunu Cavadzadə adına Respublika Kliniki Uroloji Xəstəxananın hemodializ şöbəsinin müdiri Fariz Babayev deyib. O bildirib ki, cənub regionundakı rayonlar dəniz kənarında yerləşdiyindən orada rütubət daha çox olur, nəticədə insanlar soyuqdəymə ilə xəstələnirlər: “Qərb regionunda isə əhali kütləsi çox olduğundan, xroniki böyrək çatışmazlığı xəstəliyi yaranır”.
Şöbə müdiri qeyd edib ki, Azərbaycanda xroniki böyrək çatışmazlığı xəstəliyindən əziyyət çəkənlərin 31%-ni şəkərli diabet xəstələri təşkil edir.