Nikaraquanın hazırkı prezidenti, hakim Sandinist Milli Azadlıq Cəbhəsinin lideri Daniel Orteqa üçüncü müddətə seçilib.
APA-nın “AFP” agentliyinə istinadən verdiyi xəbərə görə, ölkədə keçirilən prezident seçkilərində seçicilərin 72,5%-i D.Orteqaya səs verib.
Onun ən yaxın izləyicisi Maksimino Rodriqes 15% səs toplayıb.
İlk dəfə 1985-ci ildə prezident seçilən Orteqa beş il sonra postunu tərk etməli olub, 2006-ci ildə yenidən hakimiyyətə qayıdıb.