Bakı. Yeganə Laçınzadə - APA-Economics. Neft ucuzlaşması 2015-2016-cı ildə neft ixracatçıları olan MDB ölkələrinə təsir etməkdə davam edəcək.
“APA-Economics”in verdiyi xəbərə görə, bu barədə “Moody`s” reytinq agentliyinin MDB ölkələri ilə bağlı illik hesabatında məlumat verilir.
Məlumata əsasən, fevralın 21-də manatın devalvasiyası neft ucuzlaşmasından sonra yaranan təşvişin təsirini azaltmaqdadır. Zəif məzənnə nəticəsində aşağı neft qiymətlərinin dövlət maliyyəsindəki təsiri azalıb və Azərbaycanın qeyri-neft məhsulları ixracının nisbətən az olmasına baxmayaraq, bu sektor beynəlxalq cəhətdən daha rəqabətli olub.
“Buna baxmayaraq, biz inflyasiyanın 2015-ci ildə 9%-dək artacağını, 2016-cı ildə isə 7%-də stabilləşəcəyini proqnozlaşdırırıq. Yüksək inflyasiya məişət avadanlıqlarının alış qüvvəsinin, özəl istehlakın və ümumilikdə real iqtisadi inkişaf tempinin azalmasına gətirib çıxaracaq. Biz Azərbaycanda iqtisadi inkişafın 2015-ci ildə yalnız 1%, 2016-cı ildə isə 1,7% artacağını planlaşdırırıq”, - deyə hesabatda qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
