Ağdaş rayonunda piyadanın vurulması ilə nəticələnən yol qəzası baş verib. APA-nın yerli bürosunun xəbərinə görə, hadisə ötən gecə Bakı-Şamaxı-Yevlax avtomobil yolunun 239-cu kilometrliyində, Ağdaş rayonu ərazisindən keçən Türyançay çayının üstündəki körpüdə qeydə alınıb.
Ağdaş rayonu, Qaradağlı kənd sakini - 1989-cu il təvəllüdlü İsgəndərov Elmir Fəzail oğlunun idarə etdiyi 90-DA-764 dövlət nömrə nişanlı, “VAZ 2107” markalı minik avtomobili yolu keçməkdə olan piyada, Ağdaşın Orta Qəsl kənd sakini, 1979-cu il təvəllüdlü Məmmədov Afiq Aydın oğlunu vurub. Afiq Məmmədov aldığı ağır xəsarətlər səbəbindən hadisə yerində dünyasını dəyişib.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
