"Azərbaycan Sənaye Bankı" ASC-nin aktivlərinin həcmi 2016-cı ilin IV rübündə 787,179 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 14,02% çoxdur.
Bankdan "APA-Economics"ə verilən məlumata görə, hesabat dövründə bankın kredit portfeli 76,2% artaraq 297,419 mln. manat olub.
Bankın depozit portfeli hesabat dövrü ərzində 1,65% artaraq 432,708 mln. manata çatıb. Əhalinin əmanətlərinin həcmi isə 4,5% azalaraq 336,077 mln. manat təşkil edib.
Öhdəliklərin həcmi 14,8% artaraq 702,526 mln. manat təşkil edib.
Bir il ərzində bankın məcmu kapitalı 3,02% artaraq 73,748 mln. manata çatdığı halda, nizamnamə kapitalı dəyişməyərək 60 mln. manat olub.
Bankın gəlirləri ötən ilin müvafiq dövrünə nisbətən 6,77% artaraq 26,606 mln. manata, xərcləri isə 20,8% artaraq 18,262 mln. manata çatıb.
Ötən il bankın əldə etdiyi mənfəət 3 mln. 833,20 min manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
