Bakı-APA. İrəvanda ötən axşam hava şəraitinin qəfil pisləşməsinə baxmayaraq etiraz aksiyası hələ də davam edir. Hətta leysan yağış və güclü külək aksiyanın dağılmasına səbəb ola bilməyib. APA-nın NEWS.am-a istinadən verdiyi xəbərə görə, əksinə, axşam saatlarında ərazidə etirazçıların sayı xeyli artıb.
Qeyd edək ki, Ermənistanda elektrik enerjisi tariflərinin artırılmasına qarşı kütləvi etiraz aksiyaları keçirilir. İyunun 23-də etiraz aksiyası iştirakçılarına qarşı güc tətbiq edilib, 237 nəfər saxlanılıb, 25 nəfər xəsarət alıb.