Şirvan Apellyasiya Məhkəməsində Salyan rayonunda qətl törətmiş şəxsin apellyasiya şikayətinə baxılıb.
APA-nın Mil-Muğan bürosunun məlumatına görə, hakim Kamil Bəşirovun sədrliyi ilə keçirilən prosesdə Rauf Əsədxan oğlu Əsədovun apellyasiya şikayəti təmin edilməyib. Birinci instansiya məhkəməsinin qərarı qüvvədə saxlanılıb.
Qeyd edək ki, 2016-cı il dekabrında rayonun Xurşid kənd sakini, əvvəllər dəfələrlə məhkum olunmuş 42 yaşlı Rauf Əsədov qızı, 11-ci sinif şagirdi olan 1998-ci il təvəllüdlü Fərqanə Əsədovanı qətlə yetirib.
Lənkəran Ağır Cinayətlər Məhkəməsinin hökmü ilə R.Əsədov 13 il 6 ay müddətinə azadlıqdan məhrum edilib. R. Əsədov cəzasının azaldılması üçün apellyasiya şikayəti verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
