Bakı. Könül Cəfərli – APA. İran prezidenti Mahmud Əhmədinejada ölkə vilayətlərindən 32 milyon məktub ünvanlanıb.
APA-nın “Fars” xəbər agentliyinə istinadən məlumatına görə, bu barədə İran Prezident Administrasiyasının vətəndaşlarla əlaqələr komitəsinin sədri Murtəza Quruqi açıqlama verib.
Onun sözlərinə görə, məktublar İran prezidentinin vilayətlərə səfərləri zamanı verilib: “Ölkə vətəndaşları göndərdikləri məktublarda əsasən mənzil, kredit, səhiyyə və işsizlik kimi problemlərdən yazıblar. Bu məktubların yalnız 70%-i baxılması üçün qəbul edilib. Qalan 30%-i isə əhəmiyyətsiz hesab edildiyi üçün baxılmayacaq”.
M.Quruqi həmçinin deyib ki, Zəncan vilayətindən daxil olan məktubların 70%-nə artıq baxılıb və lazımi tədbirlər görülüb: “Bu isə Zəncan vilayətinin sakinlərinin SAMED-dən, yəni dövlət-vətəndaş münasibətlərini tənzimləyən elektron sistemdən daha çox istifadə edə bilmələri nəticəsində mümkün olub”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
