Bakı. Könül Cəfərli – APA. İranda 2012-ci ildə 15 yeni neft və təbii qaz yatağı kəşf edilib. APA-nın “Fars” xəbər agentliyinə istinadən məlumatına görə, bunu İran Milli Neft Şirkəti Araşdırma Mərkəzinin rəhbəri Hörmüz Kalavənd bildirib.
Onun sözlərinə görə, ötənilki araşdırmalar ən çox sərhəd bölgələrində aparılıb: “Bu il isə daha çox quraq bölgələrdə, eyni zamanda Fars körfəzində yeni axtarışların aparılmasına başlanacaq”.