Bakı. Hafiz Heydərov – APA. Misirin keçmiş prezidenti Məhəmməd Mursi barəsində ölüm hökmü çıxarılıb. APA-nın xarici KİV-ə istinadən verdiyi xəbərə görə, ölüm hökmü mayın 16-da keçirilən məhkəmə prosesində verilib. Cinayət işində keçmiş prezidentlə yanaşı “Müsəlman qardaşları” hərəkatının 35 üzvünün də adı keçir.
Məlumatda həmçinin qeyd olunur ki, Misir qanunvericiliyinə görə, ölkədə verilən bütün ölüm hökmləri baş müfti tərəfindən təsdiq edilməlidir. Yalnız bundan sonra məhkəmə yekun qərar vermək səlahiyyətinə malikdir. Yekun qərarın isə iyunun 2-də çıxarılacağı gözlənilir.
Qeyd edək ki, M. Mursi 2012-ci ildə prezident seçilib. Lakin o, 1 ildən bir qədər çox hakimiyyətdə qala bilib. 2013-cü ilin yayında ölkədə hərbi çevriliş baş verib. Çevrilişdən sonra M. Mursi və “Müsəlman qardaşları”nın bir çox lideri həbs edilib. Onların cinayət işləri üzrə çıxarılmış ölüm hökmləri artıq icra olunmağa başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
