Bakı. Anaxanım Hidayətova – APA. İranın xarici işlər naziri Əli Əkbər Salehi Ermənistan prezidenti Serj Sarkisyanın andiçmə mərasimində iştirak edəcək. APA-nın Ermənistan mediasına istinadən verdiyi məlumata görə, bu barədə Ermənistanın xarici işlər naziri Edvard Nalbandyan və İran XİN-in mətbuat katibi Ramin Mehmanpərəst arasındakı görüşdə söhbət aparılıb. E. Nalbandyan deyib ki, ikitərəfli səfərlər Ermənistan-İran əlaqələrinin normal inkişafını təmin edir. O, İranın Dağlıq Qarabağ münaqişəsi ilə bağlı “ölçülü-biçili” mövqeyini yüksək qiymətləndirib.