Göyçayda avtomobillərdən oğurluq edən şəxslər tutulub
11 iyun 2012 09:19 (UTC +04:00)
Göyçay. Elvin Yaqubov - APA. Göyçay rayonunda oğurluq edən gənclər tutulub. Rayon Polis Şöbəsindən APA-ya verilən məlumata görə, 1988-ci il təvəllüdlü Hacıyev Vasif Ağa oğlu və 1989-cu il təvəllüdlü Qəhrəmanov Səxavət Rauf oğlu Göyçay şəhərində müxtəlif vətəndaşlara məxsus iki “Niva”, bir “Tofaş” və bir “VAZ 21010” markalı minik maşınlarından 4 maqnitofon, səsgücləndiricilər və digər maşın əşyaları oğurlayaraq satıblar. Avtomobil sahiblərinin müraciəti əsasında polis əməkdaşları tərəfindən keçirilən əməliyyat-axtarış tədbirləri nəticəsində əvvəllər məhkum olunmuş V. Hacıyev və onun köməkçisi S. Qəhrəmanov tutularaq istintaqa təhvil verilib. Faktla bağlı rayon Polis Şöbəsi tərəfindən cinayət işi açılıb, araşdırma aparılır.
Hadisə
Ucarda yük maşını yanıb - FOTO
13:51
2 may 2024
Pirallahıda kəsici-deşici alətlərin satıldığı balıqçı mağazası müəyyən edilib
11:51
2 may 2024
Penitensiar Xidmət və DİN birgə əməliyyat keçirib, avtomat götürülüb
11:35
2 may 2024
Binəqədidə narkotik satışını təşkil edən və silahlı şəxslərə qarşı əməliyyat keçirilib
10:42
2 may 2024