Bakı. Mübariz Aslanov – APA. Azərbaycanda su obyektlərində suyun istismarı zamanı balıqların mühafizə edilməməsinə görə sərt cərimələr tətbiq olunur.
APA-nın məlumatına görə, Milli Məclisin Hüquq siyasəti və dövlət quruculuğu komitəsinin bu gün keçirilən iclasında İnzibati Xətalar Məcəlləsinə yeni 111.1-1-ci maddənin əlavə olunması müzakirə edilib.
Maddəyə əsasən balıqçılıq su obyektlərində istismar edilən su təsərrüfatı obyektlərinin balıqqoruyucu qurğularla təchiz edilməməsinə görə fiziki şəxslər 1000 manat miqdarında, vəzifəli şəxslər 3 min manat miqdarında, hüquqi şəxslər isə 15 min manat miqdarında cərimə olunacaqlar.
Layihə Milli Məclisin plenar iclasına tövsiyə edilib.