İranın Ərdəbil şəhərində yaşayış evində partlayış baş verib.
APA-nın “Anadolu” agentliyinə istinadən verdiyi xəbərə görə, hadisə nəticəsində 7 nəfər ölüb, 3 nəfər xəsarət alıb. Yaralıların vəziyyətinin ağır olduğu bildirilir.
İlkin məlumata əsasən, partlayışa kimyəvi maddə səbəb olub. Hadisə yerinə xilasedicilər və təcili tibbi yardım briqadaları cəlb edilib.