Siyəzən. Vəli Turan - APA. Siyəzən rayonunda bıçaqlanma faktı qeydə alınıb.
APA-nın şimal bürosunun verdiyi məlumata görə, Siyəzən rayon sakini 1979-cu il təvəllüdlü Zeynalov Vasif Eynal oğlu bıçaqlanıb. Müxtəlif bıçaq xəsarətləri alan V.Zeynalov Siyəzən Regional Diaqnostika Mərkəzinə yerləşdirilib.
Siyəzən rayon Polis Şöbəsindən APA-ya verilən məlumata görə, hadisəni törədən şəxs və ya şəxslərin tapılaraq istintaqa cəlb edilməsi istiqamətində əməliyyat axtarış tədbirləri davam etdirilir.
Faktla bağlı araşdırmalar davam etdirilir.