Bakı. Cavid Zeynallı - APA. "Miss Globe İnternational" müsabiqəsinin finalı sentyabrın 14-də ilk dəfə Azərbaycanda keçiriləcək.
APA-nın məlumatına görə, müsabiqədə 120 ölkənin nümayəndəsinin iştirakı gözlənilir.
Müsabiqə dünyanın 70-dən çox ölkəsinə yayımlanacaq. Hazırda müsabiqə iştirakçıları təşkilat komitəsinin nümayəndələrinin rəhbərliyi altında təlim keçirlər.
Təşkilatçılar bildiriblər ki, müsabiqənin finalında iştirak etmək üçün xüsusi olaraq Bakıya məşhur ifaçılar və aktyorlar gələcəklər. Onların arasında Demet Akalın, Gürkan Uyqun, Gökhan Özen, Kaan Gülsoy və İnna, rəqqasə Asena və Rumıniyanın "Radio Killer" qrupu da var. Müsabiqə “RGA” və “Z COMPANY 2007” şirkətləri tərəfindən təşkil edilib.
Qeyd edək ki, "Miss Globe İnternational" dünyada məşhur olan gözəllik müsabiqəsidir. Müsabiqə ilk dəfə 1925-ci ildə İstanbulda, daha sonra ABŞ, Malta, Kipr, Albaniya və digər ölkələrdə keçirilib. Müsabiqənin qaliblərindən biri Merilin Monro olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
