Bakı. Rüfət Əhmədzadə - APA. Liviyada son bir həftə ərzində hökumət qüvvələri ilə islamçılar arasında gedən döyüşlərdə 180 nəfər ölüb.
APA-nın İTAR-TASS-a istinadən verdiyi məlumata görə, bu barədə Liviyan Səhiyyə Nazirliyinin yaydığı açıqlamada deyilir.
Çərşənbə axşamı Benqazidə “Ənsar-əş-Şaria” qruplaşmasının silahlıları general Xəlifə Xəftara tabe olan “Əs-Saika” bölüyünün qərargahını ələ keçiriblər. Bundan sonra xüsusi təyinatlılar əks-hücuma keçib və nəticədə şəhər qızğın döyüş meydanına çevrilib.
Silahlılar Benqazidə “əmirlik” yaratdıqlarını elan etsələr də, əks tərəf bunu təkzib edir və şəhərin tamamilə hökumətin nəzarətində olduğunu bildirir.