Bakı. Aqşin Rafiqoğlu – APA-Economics. Azərbaycanda məhsulların tərkibində radiasiya dozasının yoxlanılması üçün laboratoriya fəaliyyətə başlayıb.
«APA-Economics»in məlumatına görə, bunu jurnalistlərə açıqlamasında Standartlaşdırma, Metrologiya və Patent üzrə Dövlət Komitəsinin sədri Ramiz Həsənov bildirib.
Onun sözlərinə görə, sözügedən laboratoriya Atom Enerjisi üzrə Beynəlxalq Agentliklə müştərək yaradılıb: «Artıq laboratoriya istifadəyə verilib. Yanvar ayından başlayaraq bu laboratoriya tam gücü ilə işləyəcək».
R.Həsənov həmçinin bildirib ki, geni dəyişdirilmiş məhsulların (GMO) yoxlanılması üçün yaradılan laboratoriya çoxdan hazır vəziyyətə gətirilib: «Müəyyən normativ sənədlər bazası yox idi. Artıq həmin sənədlərin hazırlanması istiqamətində iş aparılıb. Bu gün bu laboratoriyada xidmət göstərir, yoxlamalar aparır. Burada əsasən ərzaq, bitki məhsulları və toxumlar yoxlanılır».
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
