Bakı. Real Cəfərli - APA. İranda dörd yeni neft və təbii qaz hövzəsi kəşf edilib.
APA-nın “Fars” xəbər agentliyinə istinadən verdiyi məlumata görə, bu hövzələr ölkənin cənub, qərb və mərkəzi bölgələrində tapılıb və hazırda onların ortaq bir hövzə olub-olmaması məsələsi araşdırılır.
Cənub və qərb bölgələrində kəşf edilən hövzələrin ortaq ola biləcəyi qeyd edilib. Həmin hövzələrdəki xam neftin həcminin 2 mlrd. barel olduğu və yüksək keyfiyyətli neft olduğu ehtimal edilir. Bununla da İranın xam neft hövzələrinin həcmi 160 mlrd. barelə çatıb.