Bakı-APA. Paytaxtda ötən axşam bir neçə yanğın hadisəsi qeydə alınıb. APA-nın Fövqəladə Hallar Nazirliyinin (FHN) saytına istinadən verdiyi xəbərə görə, yanğınlardan biri Bakının Sabunçu rayonunda vətəndaşa məxsus ümumi sahəsi 50 kv.m olan taxta konstruksiyalardan ibarət 4 otaqlı evdə olub. Nəticədə evin yanar konstruksiyaları və ev əşyaları 40 kv.m sahədə yanıb. Evin qalan hissəsi və ona bitişik tikili yanğından mühafizə olunub. Yanğın saat 18:38-də yanğınsöndürənlər tərəfindən söndürülüb.
Daha bir yanğın paytaxtın Nərimanov rayonunda vətəndaşa məxsus ümumi sahəsi 100 kv.m olan 2 otaqlı mənzildə baş verib. Nəticədə mənzilin 1 otağına və eyvanına yığılmış tikinti tullantıları 25 kv.m sahədə yanıb. Mənzilin qalan hissəsi yanğından mühafizə olunub. Yanğın saat 20:28-də yanğınsöndürənlər tərəfindən söndürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
