Bu barədə APA-nın Şəki-Zaqatala bürosuna Oğuz Rayon Polis Şöbəsindən bildirilib. Məlumata görə, Oğuz rayonunun Xaçmaz kənd inzibati ərazisində dağda ov zamanı yıxılaraq öldüyü bildirilən rayonun Xaçmazqışlaq kənd sakini, 1981-ci il təvəllüdlü Seyidəliyev Məmmədbağır Aydın oğlunun meyitini üzərində tibbi ekspertiza aparılıb. Ekspertiza zamanı onun sağ qolunda iki və gözünün altında bir güllə yarası aşkar edilib.
Polis və prokurorluq əməkdaşlarının apardıqları araşdırmalar zamanı məlum olub ki, yanvarın 26-sı səhər saatlarında mərhum Məmmədbağır Seyidəliyev, Oğuz şəhər sakini, 1964-cü il təvəllüdlü Həsrətov Xalis Həsrət oğlu, Oğuz rayonu Xaçmaz kənd sakini, 1968-ci il təvəllüdlü Salehov Arif Qara oğlu və rayonun Dəymədağlı kənd sakini, 1971-ci il təvəllüdlü Lətifov Maarif Əhməd oğlu rayonun Xaçmaz kənd inzibati ərazisində dağa ova gediblər. Ov zamanı Xalis Həsrətovun əlindəki 12 çaplı tüfəngdən açılan güllə Məmmədbağır Seyidəliyevə dəyib. Məmmədbağır Seyidəliyev aldığı güllə yarasından hadisə yerində dünyasını dəyişib.
Faktla bağlı Oğuz Rayon Prokurorluğunda cinayət işi başlanıb, araşdırmalar aparılır.
Qeyd edək ki, ilkin olaraq M. Seyidəliyevin yıxılaraq öldüyü bildirilirdi.
***
26 Yanvar 2014 21:53
Oğuz. Vüqar Heydərov - APA. Azərbaycanın Oğuz rayonunda ovçu ölüb. Oğuz Rayon Polis Şöbəsindən APA-ya verilən məlumata görə, bu gün rayonun Xaçmazqışlaq kənd sakini, 33 yaşlı Məmmədbağır Aydın oğlu Seyidəliyev ov etmək məqsədi ilə dağa qalxıb. Qarlı hava şəraiti olduğundan yüksəklikdən sürüşərək yıxılan M. Seyidəliyev aldığı xəsarətdən hadisə yerindəcə keçinib.
M. Seyidəliyevin meyiti tapılaraq ailəsinə təhvil verilib.
Faktla bağlı Oğuz Rayon prokurorluğu tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
